اوکاڑہ،02جولائی(اے پی پی): ریسکیو 1122 اوکاڑہ کی ماہانہ کارکردگی کا جائزہ اجلاس ڈسٹرکٹ ایمرجنسی آفیسر ظفر اقبال نے صدارت میں منعقد ہوا۔ اجلاس میں ڈسٹرکٹ ایمرجنسی آفیسر کو بریفنگ دیتے ہوئے بتایا گیا کہ ریسکیو 1122ا وکاڑہ کوگزشتہ ماہ کل 51363 کالزموصول ہوئی ہیں جس میں 2027 ایمرجنسی کالز ہیں۔ 46714غیر متعلقہ اورمس کالز، 1406 معلوماتی،982 رونگ کالزاور 210 فیک کالز ہیں۔
ایمرجنسی کال کا تناسب68کالز فی دن ہے۔2051 ایمرجنسیز میں 610روڈ ٹریفک حادثات، 1113 میڈیکل، 34آگ لگنے کے واقعات،94کرائم، 01 ڈوبنے کا واقع اور199 متفرق قسم کے حادثات شامل ہیں۔
روڈ ٹریفک حادثات میں 701افراد متاثر ہوئے جن میں 18 افراد زخموں کی تاب نہ لاتے ہوئے جان بحق ہوئے جبکہ127 افراد کو موقع پر ہی ابتدائی طبی امداددی گئی اور 556متاثرین کو طبی امداد دیتے ہوئے ہسپتال میں منتقل کیا گیا۔
آگ لگنے کے 34 واقعات ہوئے جن میں 9کمرشل ایریا، 8 رہائشی علاقے جبکہ 17 واقعات دیگر ایریا میں پیش آئے، آگ لگنے کی وجوہات میں شارٹ سرکٹ (10)،گیس لیکج (01)، باورچی خانہ کی آگ (02)، نامعلوم (06) اور لاپرواہی (15) بنی۔ ریسکیو1122 نے آگ لگنے کے واقعات میں بروقت ریسپانس کرتے ہوئے تقریباََ 36Millions کی پراپرٹی کو محفوظ کیا۔جون میں پیشنٹ ریفرل سسٹم کے تحت ضلع بھرمیں 479 مریضوں کو بہتر طبی امداد کے حصول کیلئے منتقل کیا گیا۔ 178مریضوں کو ضلع بھر سے ڈسٹرکٹ ہیڈکوارٹر ہسپتال اوکاڑہ منتقل کیا گیا جبکہ301افراد کو بہتر طبی امداد کے حصول کیلئے ریسکیو1122 کے تربیت یافتہ عملہ کے زیرِ نگرانی میں دوسرے اضلاع کے ہسپتالوں میں منتقل کیا گیا۔
اے پی پی/شہباز ساجد/نورین
