اسلام آباد، 06 جولائی (اے پی پی ): وزیر اعظم عمران خان نے کہا ہے کہ عام آدمی کو سہولیات کی فراہمی موجودہ حکومت کی اولین ترجیح ہے۔یہ بات وزیر اعظم نے منگل کو یہاں چیئرمین نادرا محمد طارق ملک اور اٹارنی جنرل خالد جاوید خان سے گفتگو کرتے ہوئے کہی ، جنہوں نے منگل کو یہاں ان سے ملاقات کی۔
ملاقات میں چئیرمین نادرا نے وزیرِ اعظم کو نادرا کے امور کے حوالے سے بریف کیا۔ انہوں نے بتایا کہ رواں سال 14 اگست تک نادرا تحصیل سطح پر 46 نئے سینٹرز کھولے گی جو عام آدمی کی نادرا تک رسائی یقینی بنائیں گے۔ اس کے علاوہ نادرا ڈیجیٹل پاکستان کے ویژن کے تحت سٹارٹ اپس کی معاونت کیلئے انو ویٹیو اپلیکیشنز متعارف کرائے گا اور ایف بی آر کی ٹیکس بیس بڑھانے میں بھی معاونت کرے گا۔
