اسلام آباد،12جولائی (اے پی پی):وفاقی وزیرتوانائی حماد اظہر سے ایرانی سفیر محمد علی حسینی نے ملاقات کی۔ وزارت توانائی سے جاری بیان کے مطابق ملاقات میں دونوں ممالک کے توانائی کے شعبوں سے متعلق امور پر تبادلہ خیال کیا گیا۔ ملاقات میں پاکستان اور ایران کے درمیان توانائی کے شعبے میں دوطرفہ تعاون کو فروغ دینے پر اتفاق کیا گیا۔ اس موقع پر ایرانی سفیر نے کہا کہ ایران پاکستان کو مزید بجلی فراہم کرنے کے لئے تیار ہے۔ بجلی فراہمی کے سلسلے میں انفراسٹرکچرتعمیر کیا جا چکا ہے۔ انہوں نے کہا کہ اضافی بجلی فراہمی منصوبے کے جلد آغاز کیلئے متعلقہ اداروں میں قریبی روابط کی ضرورت ہے۔ حماد اظہر نے ایران کی جانب سے بلوچستان کے بعض حصوں کو بجلی فراہمی کی اہمیت اجاگر کی۔
