ملتان، 8 جولائی (اے پی پی ): چائلڈ پروٹیکشن اینڈ ویلفیئر بیورو نے عدم توجہی غفلت کا شکار 2 بھکاری بچے حفاظتی تحویل میں لے لیے،حفاظتی تحویل میں لئے گئے بچوں میں 13 سالہ فرحان ولد مقبول، 13 سالہ ساجد ولد غلام رسول شامل ہیں ۔بچوں کو چوک نواں شہر اور ابدالی روڈ سے بھیک مانگتے ہوئے پاکر حفاظتی تحویل میں لیا گیا ہے ، بچوں کو چائلڈ پروٹیکشن بیورو سنٹر منتقل کر دیا گیا ہے جن کے لواحقین کی تلاش جاری ہے۔
