کوئٹہ،07 جولائی (اے پی پی): وزیراعلیٰ بلوچستان جام کمال خان سے آڈیٹر جنرل پاکستان جاوید جہانگیر نے بدھ کو یہاں ملاقات کی ہے ، ملاقات میں آڈیٹر جنرل پاکستان نے ادارے کی کارکردگی اور نئے اقدامات کے حوالے سے آگاہ کرتے ہوئے بتایا کہ آن لائن بلنگ، سیکٹر اور تھیم وائز آڈٹ رپورٹس پر کام کر رہے ہیں، قومی وسائل کے درست استعمال کو یقینی بنانے کے لیے آڈیٹر جنرل کے ادارے کی بہت اہمیت ہے۔
ملاقات میں گفتگو کے دوران وزیراعلیٰ بلوچستان کا کہنا تھا کہ آڈٹ کے شعبے کو مزید مستحکم کرنے کے لیے جامع اقدامات کیے جائیں گے۔
ملاقات میں آڈٹ کے نظام کو موثر بنانے کے لیے مربوط روابط اور تعاون کے فروغ پر اتفاق کیا گیا ۔
ملاقات میں وزیراعلیٰ کے پرنسپل سیکرٹری زاہد سلیم بھی موجود تھے۔
