وہاڑی،27 جولائی (اے پی پی): مختلف تھانہ جات کی پولیس نے مختلف کاروائیوں کے دوران منشیات فروشوں اور ناجائز اسلحہ رکھنے والے افراد کو گرفتار کرلیا۔ ڈسٹرکٹ پولیس آفیسر امیر عبداللہ خان نیازی کی ہدایت پر مختلف تھانوں کی پولیس نے جرائم پیشہ عناصر کے خلاف کاروائیاں تیز کردیں، مختلف تھانہ جات کی پولیس نے منشیات فروشوں اور ناجائز اسلحہ رکھنے والے افراد کو گرفتار کرلیا، ملزمان سے 1500گرام چرس, 10 لیٹر شراب اور 2پسٹل بھی برآمد کئے گئے ہیں۔
