اٹک،28 اگست (اے پی پی): ڈی پی او اٹک رانا شعیب محمود کی ہدایت پر اٹک پولیس کا منشیات سمگلرز کے خلاف ضلع بھر میں کریک ڈاؤن جاری ہے ، پولیس نے رات کے وقت خیبر پختونخوا سے آنے والے ایک مزدا منی نمبری LEI-15A-1590کو چیکنگ کیلئے روک کر تلاشی لی تو ڈرائیور سیٹ کے پاس پڑے ہوئے بیگ میں سے 6کلو 660گرام چرس برآمد ہوئی ۔برآمدہ شدہ چرس کو قبضہ میں لیکر ملزم شہباز احمد ولد عبدالحفیظ سکنہ کوٹ ہرسہ تحصیل شکر گڑھ ضلع ناروال کو گرفتار کرکے اس کے خلاف منشیات ایکٹ کے تحت مقدمہ درج کر لیا گیا ہے ۔
