بہاولنگر،28 اگست (اے پی پی ): ڈپٹی کمشنر شفقت اللہ مشتاق نے کہا ہے کہ بہاول نگر سے تعلق رکھنے والے بیرون ملک پاکستانیوں کی 131 مختلف شکایات نمٹا دی گئی ہیں۔
ضلعی اوورسیز کمیٹی کا اجلاس ڈی سی آفس میں منعقد ہوا۔ اجلاس سے خطاب کرتے ہوئے ڈپٹی کمشنر شفقت اللہ مشتاق نے کہا ہے کہ اوورسیز پاکستانیوں کے مفادات کا تحفظ ہمارا فرض ہے جو کہ بیرون ممالک میں ہماری پہچان ہیں، ملک کی معاشی ترقی میں ان کا اہم کردار ہے، ضلع بہاولنگر سے متعلق اوورسیز پاکستانیوں کی 164شکایات موصول ہوئیں جن میں سے 131 شکایات کو نمٹا دیا گیا ہے۔
اجلاس میں ضلعی اوورسیز کمیٹی کے چئیرمین مبشر زمان شاہ ، فوکل پرسن اوورسیز کمیٹی مسز امامہ اعجاز ،ایڈیشنل ڈپٹی کمشنر ریونیو عابدحسین بھٹی ، محمد احمد لالیکا ضلعی کوآرڈینیٹر اور دیگر افسران نے شرکت کی۔
