جدہ،28اگست(اے پی پی): سعودی نیشنل ایونٹ سینٹر، سعودی ٹورزم اتھارٹی اور جنرل انٹرٹینمنٹ اتھارٹی کے زیراہتمام “پاکستان نائٹ” پروگرام منعقد کیا گیا۔ اس موقع پر وفاقی وزیر اطلاعات چوہدری فواد حسین نے ویڈیو پیغام میں خادم حرمین الشریفین شاہ سلمان بن عبدالعزیز اور ولی عہد محمد بن سلمان کی پاکستان سے محبت اور دیرپہ مضبوط تعلقات کا ذکر کیا۔
پاکستان نائٹ میں سات ہزار سے زائد پاکستانیوں اور انکے اہل خانہ نے جدہ،مکہ ،مدینہ سے شرکت کی۔ پاکستان نائٹ میں مقامی فنکاروں نے قومی گیت پیش کئے جس پر سینکڑوں پاکستانیوں نے پاکستانی پرچم لہراتے ہوئے جوشیلے انداز میں رقص کئے۔
پاکستان نائٹ میں کٹھ پتلی شو ،کھانے کے اور پاکستانی ثقافت کو اجاگر کرنے کیلئے اسٹالز بھی لگائے گئے تھے۔
تقریب میں قونصل جنرل خالد مجید اور سعودی انٹرٹینمنٹ اتھارٹی کی ترجمان نوشین یوسف نے پروگرام کو کامیاب بنانے میں میڈیا اور پاکستانی کمیونٹی کا شکریہ ادا کیا ۔رنگا رنگ تقریب میں پاکستانی قومی پرچم لہاتے ہوئے کمیونٹی نے اتحاویکجہتی کا اظہارکیا۔
