اسلام آباد،20اگست (اے پی پی): سپریم کورٹ کے سینئر ترین جج جسٹس عمر عطا بندیال نے قائم مقام چیف جسٹس آف پاکستان کے عہدے کا حلف اٹھا لیا ہے۔
جمعہ کو یہاں عدالت عظمٰی میں جسٹس قاضی فائز عیسیٰ نے جسٹس عمر عطا بندیال سے سادہ مگر پر وقار تقریب میں قائم مقام چیف جسٹس آف پاکستان کے عہدے کا حلف لیا ۔
واضح رہے کہ چیف جسٹس آف پاکستان جسٹس گلزار احمد بیرون ملک نجی دورے پر ہیں، ان کی ملک میں غیر موجودگی کے دوران عدالت عظمٰی کے سینئر ترین جج جسٹس عمر عطا بندیال قائم مقام چیف جسٹس آف پاکستان کے فرائض سر انجام دیں گے۔
تقریب میں سپریم کورٹ آف پاکستان کے معزز ججز صاحبان ، سینئر وکلا ، لاء آفیسرز اور لا اینڈ جسٹس کمیشن آف پاکستان کے افسران نے شرکت کی۔
