لاہور، 21 اگست (اے پی پی): وزیراعلیٰ عثمان بزدار نےکہا ہے کہ سرکاری محکموں کی کارکردگی کا باقاعدگی سے جائزہ لیا جائے گاحکومتی اداروں کی کارکردگی جانچنے کے لئے مستند اعداد و شمار ضروری ہیں پنجاب کے تمام محکموں کی کارکردگی جانچنے کے لئے فول پروف میکنزم وضع کیا جائے گا۔
ان خیالات کا اظہار وزیر اعلی سردار عثمان بزدار نے سپیشل مانیٹرنگ یونٹ کے سربراہ فضیل آصف اور ان کی ٹیم سے گفتگو میں کیا ، جنہوں نے ہفتہ کو یہاں ان سے ملاقات کی ۔ملاقات میں وزیر اعلی کو حکومتی کارکردگی کے تیسرے سال کی رپورٹ پیش کی گئی ۔ رپورٹ میں صوبائی محکموں اور اداروں کی کارکردگی کا تفصیلی جائزہ پیش کیا گیا ہے۔وزیراعلی عثمان بزدار نے رپورٹ مرتب کرنے پر سپیشل مانیٹرنگ یونٹ کی کارکردگی کو سراہا فضیل آصف نے وزیراعلی عثمان بزدار کو محکموں کی کارکردگی اورایشوز کے بارے میں بریف کیا۔
وزیراعلیٰ عثمان بزدار نے سپیشل مانیٹرنگ یونٹ کی ٹیم کو مستقبل کے اہداف کے حصول اوراصلاحات کے بارے میں ہدایات دیں اور کہا کہ حکومتی اداروں کی کارکردگی جانچنے کے لئے مانیٹرنگ پر فوکس کرنا ہوگا، سرکاری اداروں میں اچھی کارکردگی کا مظاہرہ کرنے والے افسروں اور اہلکاروں کی حوصلہ افزائی کی جائے گی۔انہوں نے کہا کہ عوامی خدمت اور فلاح و بہبود میں غفلت برتنے والےقابل برداشت نہیں ہیں ۔
وزیراعلی سے ملاقات کرنے والوں میں فضیل آصف کے ہمراہ عالیہ حسنین،زونیش رشید،حمزہ طارق،احسن سہیل،حمزہ افسر خان، تنویرالزمان، خدیجہ فیصل، علی سیال،راؤ انیق یونس،محمد فیصل حنیف اور علی بودلہ شامل تھے۔
