کوئٹہ، 05 اگست (اے پی پی): وزیراعلی بلوچستان جام کمال خان کی زیر صدارت پی ایس ڈی پی 22-2021 پر پیشرفت اور 10 ویں جے سی سی اجلاس کی تیاری کے حوالے سے اعلی سطحی اجلاس منعقد ہوا ۔ متعلقہ حکام کی جانب سے اجلاس کو سی پیک سے متعلق دسویں جوائنٹ کوآپریشن کمیٹی کے اجلاس کی تیاری کے حوالے سے آگاہ کیا گیا اجلاس میں سی پیک اسٹریٹجی ڈرافٹ اور 10ویں جے سی سی اجلاس کے لیے مرتب سفارشات کا تفصیلی بریفنگ میں بتایا گیا کہ گوادر سمارٹ پورٹ سٹی کی ماسٹر پلاننگ مکمل کر لی ہے اور پاک چائنہ ٹیکنیکل اینڈ ووکیشنل انسٹی ٹیوٹ کا 90 فیصد کام مکمل کر لیا گیا ہے جبکہ ایسٹ بے ایکسپریس وے کا 94 فیصد کام مکمل کر لیا گیا ہے انہوں نے کہا کہ متبادل اور قابل تجدید توانائی پالیسی 2020ءکے تحت سی پیک منصوبوں میں شمسی اور ہوا سے توانائی کے منصوبوں کو ترجیح دی جائے گئی جبکہ اجلاس میں مقامی نوجوانوں کی تربیت،چینی امداد کے زریعے اسپیشل اکنامک زونز کی ترقی اور دیگر امور کا جائزہ بھی لیا گیا۔ اس موقع پر وزیراعلی بلوچستان جام کمال خان نے ہدایت کی کہ ترقیاتی اہداف کے حصول کے لیے جامع حکمت عملی کے تحت اقدامات کیے جائیں اور جاتی پروجیکٹ کو جلد از جلد مکمل کیا جائے –
اجلاس میں پارلیمانی سیکرٹری اطلاعات محترمہ بشریٰ رند، پارلیمانی سیکرٹری اقلیتی امور خلیل جارج، چیف سیکرٹری بلوچستان،ایڈیشنل چیف سیکرٹری ترقیات،پرنسپل سیکرٹری،سیکرٹری خزانہ،سیکرٹری صنعت،سیکرٹری توانائی،کمشنر کوئٹہ ڈویژن سمیت ڈی جی جی ڈی اے اور ایڈیشنل سیکرٹری سی پیک نے بذریعہ ویڈیو لنک شرکت کی ۔
