اٹک ، 15 اگست (اے پی پی): اٹک کے ماہرین تعلیم نے یکساں نصاب تعلیم کے نفاذ کو حکومت کی جانب سے ایک احسن قدم قرار دیا ہے ۔
پروفیسر محمد زکریا نے یکساں نصاب تعلیم کے متعلق اے پی پی سے گفتگو کرتے ہوئے کہا ہے کہ ہمارے ملک میں اس وقت بے شمار تعلیمی نظام رائج ہیں لیکن اگر نظام ایک ہو جائے تو تمام طالب علموں کو یکساں مواقع میسر ہونگے اور اس فیصلے کی جتنی بھی تعریف کی جائے کم ہے ۔
پرنسپل محمد خالد خان نے کہا کہ ماضی میں اس طرف بلکل بھی توجہ نہیں دی گئی جس سے ہمارے ملک میں طبقاتی نظام نے جنم لیا ہے ۔انہوں نے کہا کہ یکساں نظام تعلیم کی پابندی کی جائے تو ایک قوم ابھر کر سامنے آئے گی
