سیالکوٹ ، 15 اگست (اے پی پی):ماہرین تعلیم نے یکساں نصاب تعلیم کے نفاذ کو حکومت کا احسن قدم قرار دیتے ہوئے کہا ہے کہ ہمارے ملک کے اندر دو طبقاتی نظام وجود میں آ چکے تھے ، اس نظام سے سب کو یکساں مواقع میسر ہونگے ۔
ٹیچر محمد الیاس نے یکساں نصاب تعلیم کے متعلق اے پی پی سے گفتگو کرتے ہوئے کہا ہے کہ یکساں نصاب تعلیم ایک بہت ہی پرانی خواہش تو موجود ہ حکومت پورا کرنے جا رہی ہے ۔انہوں نے کہا کہ ہمارے ملک کے اندر دو طبقاتی نظام وجود میں آ چکے تھے ، اس نظام سے سب کو یکساں مواقع میسر ہونگے ۔
شاعر وصحافی ظہیر عباس بھٹی نے کہا کہ یکساں نصاب تعلیم کا رائج ہونا خوش آئند ہے ، یہ نظام لاگو کرنا ایک بہت بڑی کامیابی ہے ۔صحافی محمد عارف نے کہا کہ یکساں نصاب تعلیم کا نفاذ حکومت کا ایک بہت ہی احسن قدم ہے جس سے طبقاتی نظام تعلیم کا خاتمہ ہو گا۔
شاعر، ادیب اور اینکر شاکر حسین شاکر نے کہا کہ موجودہ حکومت نے بڑا ایک انقلابی قدم اٹھایا ہے کہ انہوں نے تمام ابتدائی کلاسز سے ہائی کلاسز تک جو ایک نصاب بنایا ہے اور اس کو نافذ کرنے جا رہے ہیں یہ ایک اہم قدم ہے ۔
ریٹائرڈ ہیڈماسٹر محمد صفدر اقبال نے کہا ہے کہ تعلیم اور تربیت افراد کی انفرادی نہیں ہوتی بلکہ قومی ہوتی ہے ، افراد تعلیم کے ذریعے قوموں کو جنم دیتے ہیں ۔ یکساں نظام تعلیم سے ہم ایک اچھی قوم بن کر ابھریں گے ۔
