لاہور 16ستمبر(اے پی پی):اراکین سندھ اسمبلی نے پنجاب سیف سٹیز اتھارٹی ہیڈ کوارٹر کا دورہ کیا۔ سیف سٹیز اتھارٹی ہیڈ کوارٹر کے چیف آپریٹنگ آفیسر محمد کامران خان نے 30 رکنی وفد کو ادارے کا دورہ کروایا۔اراکین اسمبلی کے وفد کو کیمروں سے مانیٹرنگ ،ای چالاننگ سسٹم اور ایمرجنسی 15 ہیلپ لائن کے بارے میں بتایا گیا،وفد کو پکار15،میڈیا سنٹر اور ایویڈنس کلیکشن سنٹر کا دورہ بھی کروایا گیا۔
اراکین اسمبلی نے خواتین کے تحفظ کیلئے بنائی گئی ویمن سیفٹی ایپ میں گہری دلچسپی کا اظہار کیا،وفد نےخواتین کے تحفظ اور مدد فراہم کرنے کے حوالے سے اتھارٹی کی کوششوں کو سراہا،انہوں نے مزید کہا کہ سیف سٹیز اتھارٹی جیسا جدید نظام سندھ سمیت ملک بھر کی ضرورت ہے۔اراکین سندھ اسمبلی کے وفد اور پنجاب سیف سٹیز اتھارٹی کے مابین یادگاری شیلڈز کا تبادلہ بھی کیا گیا۔
ریحانہ
