اوکاڑہ،27ستمبر(اے پی پی ): چیئرمین واپڈا جنرل مزمل، چیئرمین نیپرا توصیف فاروقی،لیسکو چیف چوہدری امین، ڈائریکٹر سیفٹی لیسکو الطاف قادر کے احکامات کی روشنی میں لیسکو ملازمین کی سیفٹی کے کےپیش نظر ایس ای لیسکو اوکاڑہ حماد اللہ کی زیر نگرانی سیفٹی سیمینار کا انعقاد کیا گیا ۔
سیمینار سے خطاب میں ایس ای لیسکو اوکاڑہ حماد اللہ کا کہنا تھا کہ سیفٹی سیمینار کا بنیادی مقصد لیسکو ملازمین کی زندگیوں کو محفوظ بنانا ہے، فیلڈ میں کام کرنے والے لیسکو ملازمین سیفٹی کے بغیر کسی صورت کام نہ کریں، کوئی بھی لیسکو ملازم اپنی زندگی کو خطرے میں ڈال کر کام نہ کرے، ان کا تحفظ ہماری اولین ترجیحات میں شامل ہے ۔
سیفٹی سیمینار میں آگاہی لیکچر بھی دیا گیا۔سیمینار میں لیسکوایکسین ملک عرفان،رانا محمد عرفان،ندیم میمن،عطاء اللہ،جاوید اقبال اے ای ٹی سمیع اللہ نوید،اے ڈی ایچ آر سید شہزاد بابر ایس ڈی اوز اسد اللہ خان،مشہود احمد، روی شنکر،نعمان قادر، کامل حسن،زین الحسن، محمدعمران،محمد فیصل، سیفٹی انسپکٹر اوکاڑہ مجاہد چھچھر، سعید سندھو، چوہدری اشرف سمیت ایل ایس اور لیسکو ملازمین کی بڑی تعداد نے شرکت کی۔
