بہاولنگر،03ستمبر(اے پی پی): وزیر اعلیٰ پنجاب عثمان بزدار کی ہدایت اور آئی جی پنجاب انعام غنی کے احکامات کی روشنی میں میں ڈی پی او بہاولنگر محمد ظفر بزدار نے سرکل چشتیاں بلدیہ ہال میں کھلی کچہری کا انعقاد کیا۔ ڈی پی او بہاولنگر نے کھلی کچہری میں موجود تما م شہریوں کی درخواستوں کا بطور تفصیلی جائزہ لیا اوران کی شکایات سنتے ہوئے کچھ مسائل موقع پر ہی حل کر دیئے جب کہ پیچیدہ معاملات کے حل کیلئے انکوائری کمیٹی تشکیل دے کے میرٹ پر تفتیش یقینی بنا کر جلد از جلد رپورٹ جمع کروانے کی ہدایات جاری کر دیں۔
اس موقع پر ڈی پی او بہاولنگر محمد ظفر بزدار نے کہا کہ اوپن ڈور پالیسی کے تحت تھانہ جات و سرکل ہائے میں جا کر کھلی کچہر ی کے ا نعقاد کا مقصد شہریوں کو ان کی دہلیز پر انصاف کی فراہمی پولیس اور عوام کے درمیان خلیج کو دور کرنا ہے، میرے دروازے تمام شہریوں کے لیے ہمہ وقت کھلے ہیں۔
ڈی پی او بہاولنگر نے کہا کہ شہریوں کے مسائل اور شکایات کے حل اور عوام الناس کو بلا رکاوٹ،فوری انصاف کی فراہمی کے لیے کھلی کچہری کا انعقاد کیا جاتا ہے۔ جہاں پر ان کے مسائل کی داد رسی کیلئے فوری احکامات جاری کیے جا رہے ہیں۔انہوں نے کہا کہ عوام کو انصاف کی فراہمی اب ان کی دہلیز پر ممکن ہوگی۔ٍ
کھلی کچہری میں موجود شرکاء نے ڈی پی او بہاولنگر کے اس اقدام کو سراہا۔کھلی کچہری میں ڈی ایس پی محمد ارشد،ایس ایچ او ز اور میڈیا کے نمائیندگان بھی موجود تھے۔
