اسلام آباد۔3ستمبر (اے پی پی):وزیر اعظم عمران خان سے ائیر عربیہ گروپ کے چیئرمین شیخ عبد اللہ بن محمد الثانی نے اسلام آباد میں ملاقات کی۔پی ایم میڈیا آفس سے جاری بیان کے مطابق ملاقات میں وفاقی وزراء چوہدری فواد حسین اور غلام سرور خان بھی موجود تھے۔ ملاقات کے دوران پاکستان کی کمرشل ہوا بازی صنعت میں سرمایہ کاری کے امور پر گفتگو ہوئی۔حکومت پاکستان سرمایہ کاروں کے لئے آسانیاں پیدا کر رہی ہے،چاہتے ہیں کہ پاکستان سرمایہ کاروں کی ترجیحی منزل ہو۔ وزیر اعظم نے کہا کہ سیاحت کے فروغ کے لئےبیرونی ممالک سے کمرشل ایئر لائنز کی سرمایہ کاری کو خوش آمدید کہتے ہیں۔
