اسلام آباد، 01 ستمبر(اے پی پی ): وزیراعظم عمران خان نے کہا ہے کہ وفاقی حکومت بلوچستان کے عوام کی ترقی اور خوشحالی کے لیے اقدامات کر رہی ہے، صوبہ کے عوام کے لیے تاریخ میں پہلی مرتبہ بڑا ترقیاتی پیکیج پیش کیا گیا ہے۔ انہوں نے ان خیالات کا اظہار گورنر بلوچستان سید ظہور آغا سے گفتگو کرتے ہوئے کیا جنہوں نے بدھ کو یہاں وزیراعظم سے ملاقات کی۔ ملاقات میں بلوچستان میں امن و امان کی صورتحال اور جاری ترقیاتی منصوبوں پر تبادلہ خیال کیا گیا۔
وزیراعظم عمران خان نے بلوچستان میں امن و امان کی صورتحال میں مزید بہتری کے لیے تمام متعلقہ فریقین کو اعتماد میں لینے کی ہدایت کی۔ وزیراعظم نے کہا کہ حکومت بلوچستان کے عوام کی ترقی اور خوشحالی کے لیے اقدامات کر رہی ہے، صوبہ کے عوام کے لیے تاریخ میں پہلی دفعہ بڑا ترقیاتی پیکیج پیش کیا گیا ہے۔ انہوں نے کہا کہ ایگریکلچرل ٹرانسفارمیشن پلان بلوچستان کے کسانوں کی معاونت کے ساتھ ساتھ صوبہ میں زراعت کی ترقی کو یقینی بنائے گا
