لاہور یکم ستمبر (اے پی پی ): گورنر پنجاب چودھری محمد سرور سے امریکی قونصل جنرل ولیم کے میکانولے نے ملاقات کی ۔ملاقات میں پاک امر یکہ تعلقات ‘دہشت گردی کے خاتمے’ امن قیام سمیت دیگر ایشوز پر بات چیت کی گئی ولیم کے میکانیولے کورونا وبا کے دوران حکومتی اقدامات اور پنجاب آب پاک کے منصوبوں کے بھی معترف نکلے ۔ گورنر پنجاب چودھری سرور نے خطے میں امن کیلئے مسئلہ کشمیر کا حل اور وہاں مظالم کا خاتمہ ضروری قرار دیدیا اور کہا کہ پاکستان نے دہشتگر دی کے خاتمے اور امن کیلئے سب سے زیادہ قربانیں دی ہیں۔پاک امریکہ تعلقات مضبوط ہو رہے ہیں پاکستانی ترقی کیلئے امریکی کردار قابل تعریف پنجاب میں غیر ملکی سرمایہ کاروں کیلئے نئے سپیشل اکنامک زونز بھی بنا رہے ہیں۔ انہوں نے کہا کہ پاکستان افغانستان سمیت تمام ہمسایہ ممالک سے اچھے تعلقات چاہتا ہےافغانستان میں فیصلہ وہاں کے عوام کی مرضی کے مطابق ہونا چاہئے۔دسمبر 2021 آب پاک اتھارٹی کے تحت 8 ملین لوگوں کو صاف پانی فراہم کریں گے۔
