اسلام آباد، 04اگست(اے پی پی ):پاک بحریہ نے یوم ِدفاع پاکستان کے موقع پر جاری ہونے والے خصوصی نغمے ”دِل خوش ہوا” کا پرومو جاری کر دیا۔
ترجمان پاک بحریہ کے مطابق پاک بحریہ کا یہ نغمہ وطن کے جانثاروں کو خراجِ تحسین پیش کرتا ہے ،نغمے میں یونیفارم سے جڑے فرض اور قرض کے احساسِ ذّمہ داری اور شہادت کے لازوال جذبے کی بہترین عکاسی کی گئی ہے۔ یہ نغمہ تین یاروں کی کہانی ہے جو جڑے تو آہن بن گئے اور پھر شہادت بھی انھیں جدا نہ کر سکی۔ اس نغمے کا یہ پیغام ہے کہ فرض کی راہ میں شہادت سفر کا اختتام نہیں بلکہ پاسبانی کے نئے سفر کا آغاز ہے۔
