لاہور،11 اکتوبر(اے پی پی): وزیر اعلیٰ پنجاب کا کہنا ہے کہ اپوزیشن کا ایجنڈا پاکستان کے مفادات سے متصادم ہے۔ ان خیالات کا اظہار انھوں پاکستان تحریک انصاف کے رہنما اور سابق وفاقی وزیر نوریز شکور سے دوران ملاقات کیا۔
انہوں نے کہا کہ موجودہ حالات میں افراتفری کی سیاست کی کوئی گنجائش نہیں اور منفی سیاست کرنے والوں کو عوام ہمیشہ کے لئے رد کر چکے ہیں سابق حکومتوں نے نظام میں اتنا بگاڑ پیدا کیا جس کا کوئی تصور نہیں کر سکتا موجودہ حالات میں تنقید برائے تنقید کرنے والے اپنے مخصوص ایجنڈے پر چل رہے ہیں۔
عثمان بزدار نے کہا کہ 360 ارب روپے کے ڈسٹرکٹ ڈویلپمنٹ پیکیج سے پنجاب کا ہر ضلع ترقی کرے گا ساہیوال سمیت ہر ضلع میں فلاح عامہ کے منصوبوں کو مقررہ مدت کے اندر مکمل کرنے کیلئے ہدایات جاری کر دی ہیں اور ہم ترقی کے سفر میں کسی کو رکاوٹ نہیں ڈالنے دیں گے۔
نوریز شکور نے وزیر اعلیٰ پنجاب کی قیادت پر بھرپور اعتماد کا اظہار کرتے ہوئے کہا کہ پنجاب ترقی کی راہ پر گامزن ہے
