بہاولنگر، 6 اکتوبر ( اے پی پی):ڈپٹی کمشنر کپیٹن (ر)محمد وسیم نے عہدہ کا چارج سنبھال کر کام شروع کردیا ہے۔ ڈپٹی کمشنر نے اپنے دفتر کے کمیٹی روم میں منعقدہ اجلاس میں متعلقہ محکموں کے افسران سے کہا کہ سرکاری امور محنت اور ایمانداری سے انجام دیں۔انہوں نے کہا کہ دفاتر میں آنے والے سائلین کے مسائل فوری حل کئے تاکہ وہ ریلیف حاصل کرسکیں۔
ڈپٹی کمشنر نے کہا کہ ضلع بھر میں جاری ترقیاتی سکیمیں بروقت اور اعلیٰ معیار کے ساتھ مکمل کی جائیں۔ انہوں نے کہا کہ پرائیس کنٹرول مجسٹریٹس فیلڈ میں فعال انداز میں کام کریں، اشیائے خوردونش مقرر کردہ نرخ کے مطابق فروخت کی جائیں۔ انہوں نے ہدایت کی کہ ضلع بھر میں صفائی ستھرائی کے شاندار انتظامات کئے جائیں،خطہ کو سرسبز و شاداب بنانے کے لئے پودے لگائے جائیں اور انکی دیکھ بھال اور آبیاری باقاعدگی سے کی جائے۔
