لاہور، 7 اکتوبر (اے پی پی): وزیراعلیٰ پنجاب سردار عثمان بزدار سے سینیٹر عون عباس بپی نے جمعرات کو یہاں ملاقات کی ہے،ملاقات میں گفتگو کرتے ہوئے وزیر اعلیٰ پنجاب نے کہا کہ ہر علاقے کی یکساں ترقی کیلئے 360ارب روپے کا ڈسٹرکٹ ڈویلپمنٹ پیکیج دیا ہے،صوبے کی تاریخ میں پہلی بار نظرانداز کیے گئے علاقوں میں ترقیاتی کام ہورہے ہیں۔
عثمان بز دار نے کہا کہ اپوزیشن نے ہمیشہ افراتفری کی سیاست کو پروان چڑھایا ،انتشار کی سیاست کرنیوالی اپوزیشن خود مکافات عمل کا شکار ہوچکی ہے، ا فراتفری کی سیاست ملک و قوم کے مفاد میں نہیں۔ انہوں نے کہا کہ تین برس کے دوران عوامی خدمت پر فوکس کیا ہے۔
سینیٹر عون عباس بپی نے گفتگو کرتے ہوئے کہا کہ وزیراعلیٰ عثمان بزدار کی قیادت میں پنجاب حکومت نے پسماندہ علاقوں کی قسمت بدل دی ہے، وزیراعلیٰ عثمان بزدار شوبازی کی بجائے عملی اقدامات پر یقین رکھتے ہیں۔انہوں نےکہا کہ وزیراعلیٰ عثمان بزدار کی قیادت میں پنجاب آج حقیقی پائیدار ترقی کی راہ پر گامزن ہے۔
