کوہلو ۔15نومبر (اے پی پی):کوہلو میں خسرہ اورروبیلا ویکسنیشن کے 12روزہ مہم کا آغازکردیا گیا ضلعی ناظم صحت ڈاکٹر گہنور خان مری نے ڈی ایچ کیو کوہلو میں بچے کو خسرہ اور روبیلا سے بچائو کے حفاظتی ٹیکہ لگا کر مہم کا باقاعدہ افتتاح کردیا،اس موقع پرسینئر میڈیکل آفیسر ڈاکٹر صاحب خان مری ،ڈاکٹر اورنگزیب مری ،ضلعی نائب ناظم صحت ڈاکٹر عطا ء اللہ مری ،ایم ایس ڈی ایچ کیو ڈاکٹر اصغر مری ،ڈسٹرکٹ کوارڈینیٹر نیشنل پروگرام ڈاکٹر خالد مری ،ڈسٹرکٹ فوکل پرسن اے ای ایف آئی ڈاکٹر سعید زرکون ،ڈسٹرکٹ سپرینڈنٹ ویکسینیشن میر اسماعیل مری ،ضلعی ناظم تعلیم حفیظ اللہ مری ،پاکستان تحریک انصاف کے مقامی سینئر رہنما میر جہانزیب مری ، ایم اینڈ ای آفیسر ای پی آئی میر کلیم مری ،ڈسٹرکٹ کنسلٹنٹ یونیسیف طلال احمد ،ڈسٹرکٹ مانیٹر عالمی ادارہ صحت خان محمد ودیگر موجود تھے ۔ افتتاحی تقریب کے موقع پر ڈسٹرکٹ ہیلتھ آفیسر ڈاکٹر گہنور خان مری نے ذرائع ابلاغ کے نمائندوں سے گفتگو کرتے ہوئے کہا کہ خسرہ اور روبیلا کی ویکسینیشن مہم کا باقاعدہ آغاز کردیا گیا ہے ،جو بلا کسی تعطل کے 15نومبرسے 27 نومبر تک جاری رہے گا،مہم کے دوران 9 ماہ سے 15 سال تک کے بچوں کو حفاظتی ٹیکے لگائے جائیں گے ۔ویکسینیشن کے ساتھ ساتھ پانچ سال سے کم عمر کے بچوں کو پولیو کے قطرے بھی پلائے جائیں گے جبک،ڈاکٹر گہنور خان مری نے اعداد وشمار بتاتے ہوئے کہا کہ خسرہ اور روبیلا مہم کے دوران ضلع بھر میں 60300،نو ماہ سے پندرہ سال تک کے بچوں کو ویکسینیشن کرنے کا ہدف مقرر کیا گیا ہے جس کے لئے محکمہ صحت نے 72آئوٹ ریچ ٹیمیں ،16فکسڈ سنٹر جبکہ تین موبائل ٹیمیں تشکیل دی ہیں جو ضلع کے مختلف علاقوں میں ویکسینیشن کے عمل میں حصہ لینگے ،انہوں نے والدین،سیاسی و مذہبی جماعتوں کے رہنمائوں،اساتذہ،سول سوسائٹی کے نمائندوں اور میڈیا سے اپیل کی ہے کہ مہم کے دوران محکمہ صحت کی ٹیموں کے ساتھ تعاون کرے، تاکہ اس قومی فریضہ کو احسن طریقے سے سرانجام دیا جاسکے اور کوئی بھی بچہ ویکسینیشن کے عمل سے رہ نہ جائے۔
