لاہور16نومبر(اے پی پی ):کوہ سلیمان کے پہاڑی سلسلے کے سیلابی پانی کو محفوظ اور قابل استعمال بنانے کے لئے ڈیم کی تعمیری منصوبے کا اعلان کرتے ہوئے وزیر اعلی پنجاب نے کہا کہ سوڑا ڈیم علاقے کی تعمیر وترقی کیلئے گیم چینجر منصوبہ ثابت ہو گایہ صرف ایک ڈیم نہیں بلکہ ایریا ڈویلپمنٹ پراجیکٹ ہوگااس پراجیکٹ سے پورا علاقہ استفادہ کرے گاسوڑا ڈیم کی تعمیر کیلئے اراضی کے حصول کا کام بھی مکمل کرلیاگیا ہے51ہزار ایکڑ پانی کو ذخیرہ کیا جاسکے گا عثمان بزدار نے منصوبے کی تفصیلات بتاتے ہوئے کہا کہ ڈیم دریا کی سطح سے 258فٹ اونچا ہوگاڈیم کی تعمیر پر تقریباً10ارب روپے لاگت آئے گی ڈیم کے ڈائزین کی ماہرین اورٹیکنیکل ٹیم منظوری دے چکی ہےڈیم کی تعمیر سے علاقے کے لوگوں کو روزگار کے مواقع ملیں گے اور ڈیم بننے سے تونسہ تک لوگوں کو وافر پانی ملے گااور زرعی شعبہ میں بے پناہ ترقی ہوگی ڈیم کی تعمیر سے علاقے میں سیاحت کو بھی فروغ ملے گاہر سال موسم برسات میں پہاڑی نالوں میں بہنے والا پانی ضائع ہوتا ہےاس پانی کو محفوظ کرکے استعمال میں لانا بہت ضروری ہےترقی کا سفر پہلی بار پسماندہ ترین علاقوں تک پہنچا ہے پنجاب کے پسماندہ ترین علاقے کے لوگ سوچ بھی نہیں سکتے کہ ان کے علاقے میں ڈیم بنے گااس منصوبے کو فاسٹ ٹریک پر آگے بڑھایا جائے گاڈیم کے پراجیکٹ کوٹائم لائن کے ساتھ مکمل کیا جائے گاوزیراعلیٰ عثمان بزدار نے ڈیم کی تعمیر سے متعلقہ دیگر امور کو جلد از جلد حتمی شکل دینے کی ہدایت بھی کی وزیراعلیٰ عثمان بزدار کی زیرصدارت اعلی سطحی اجلاس
میں سیکرٹری آبپاشی نے سوڑا ڈیم پراجیکٹ کے امور کے بارے میں بریفنگ دی وزیراعلیٰ عثمان بزدار نے سوڑا ڈیم پراجیکٹ کے امور تیز رفتاری سے طے کرنے پر سینئر ممبر بورڈ آف ریونیو،چیئرمین منصوبہ بندی و ترقیات اورسیکرٹری آبپاشی اوران کی ٹیم کی کارکردگی کی تعریف کی چیف سیکرٹری،سینئر ممبر بورڈ آف ریونیو، چیئرمین منصوبہ بندی و ترقیات، پرنسپل سیکرٹری وزیراعلیٰ،سیکرٹری خزانہ اور متعلقہ حکام کی اجلاس میں براہ راست شرکت اور کمشنر ڈیرہ غازی خان ڈویژن ویڈیو لنک کے ذریعے اجلاس میں شریک ہوئیں۔
