اسلام آباد،2دسمبر (اے پی پی):وزیراعظم عمران خان نے ہدایت کی ہے کہ لوگوں کی فلاح و بہبود کے لیے مختلف حکومتی اقدامات کو اجاگر کرنے کے لیے ایک موثر میڈیا کمیونی کیشن حکمت عملی وضع کی جائے۔
جمعرات کے روز یہاں وزیر اعظم نے وفاقی وزیربرائے اطلاعات و نشریات چوہدری فواد حسین نے ملاقات کی۔ملاقات میں وزیر اعظم نے لوگوں کی فلاح و بہبود کے لیے مختلف حکومتی اقدامات کو اجاگر کرنے کے لیے ایک موثر میڈیا کمیونی کیشن حکمت عملی وضع کرنے کی ہدایت کی۔
وزیر اعلی پنجاب کے معاون خصوصی برائے اطلاعات حسان خاور اور وزیر اعلی خیبر پختونخوا کے معاون خصوصی برائےاطلاعات بیرسٹر سیف علی بھی ملاقات میں موجود تھے۔
