وزیراعلیٰ پنجاب سردار عثمان بزدار سے وائس چیئرپرسن اوورسیز پاکستانیز کمیشن پنجاب سید طارق محمودالحسن کی ملاقات

لاہور،14دسمبر(اے پی پی):وزیر اعلی پنجاب سردار عثمان بزدارکی وائس چیئرمین اوورسیز پاکستانیز کمیشن پنجاب سید طارق محمود الحسن سے ہونے والی ملاقات میں سید طارق محمود الحسن نے اوورسیز پاکستانیز کمیشن پنجاب کی کارکردگی سے وزیراعلیٰ عثمان بزدار کو آگاہ کیا جواب آں وزیراعلیٰ عثمان بزدار نےبیرون ملک مقیم پاکستانیوں کے مسائل ترجیحی بنیادوں پر حل کرنے کی ہدایت کرتے ہوئے کہا کہ بیرون ملک بسنے والے پاکستان کے سفیر ہیں جن کو تحریک انصاف کی حکومت نے ووٹ کاحق دیا ہے ماضی کی ہر حکومت نے اوورسیز پاکستانیز کے نام پر صرف سیاست چمکائی اور سابق حکومتو ں نے اوورسیز پاکستانیز کے مسائل کو یکسر فراموش کئے رکھا عثمان بزدار نے مزید کہا کہ وزیراعظم عمران خان کی قیادت میں پی ٹی آئی کی حکومت نے اوورسیز پاکستانیز کو ووٹ کا حق دے کر تاریخ ساز اقدام کیا ہے پنجاب میں 23دسمبر کو اوورسیز پاکستانیز کے گرینڈ کنونشن کا انعقاد کیا جائے گا اوورسیز پاکستانیز کنونشن میں بیرون ملک مقیم پاکستانیوں کو ایوارڈ دئیے جائیں گےیہ کنونشن اوورسیز پاکستانیوں کی خدمات کے اعتراف میں منعقد کیا جا رہاہے ملکی معیشت کی مضبوطی کیلئے اوورسیز پاکستانیوں کی خدمات فراموش نہیں کرسکتے ۔