لاہور 15 دسمبر ( اے پی پی ) وزیراعلیٰ پنجاب سردار عثمان بزدار کی زیرصدارت بدھ کو یہاں پنجاب دانش سکولز اینڈ سینٹرز آف ایکسیلینسی اتھارٹی کا اجلاس منعقد ہوا ۔
اجلاس سے گفتگو کرتے ہوئے وزیر اعلیٰ پنجاب کا کہنا تھا کہ پنجاب کے 4دانش سکولوں کو مکمل طورپر سولر توانائی پر منتقل کردیا گیا۔دانش سکولوں کے طلبہ کو سیاحتی مقامات کی سیر کرائی جائے گی، دانش سکولوں میں ڈیجیٹل لرننگ کونسلنگ کاآغاز دانش سکولوں میں اکیڈمک اور سپورٹس میں ٹاپ کرنے والوں کے لئے 50 ہزار تک انعامات دانش سکولوں کے طلبہ کے لئے آغا خان سکول ٹریننگ پروگرام کی طرز پر تربیتی نشستیں ہوسٹل میں رہائش پذیر طلبہ کی والدین سے ملاقات کے لئے خصو صی کمروں اور کینٹین قائم کی گئی ہے۔
وزیراعلیٰ عثمان بزدار نےدانش سکولز کے زیر تکمیل پراجیکٹ کے لئے فنڈز جاری کرنے کی ہدایت کی اور کوٹ قیصرانی، تونسہ، بھکر اور منکیرہ کے دانش سکولوں جلد ازجلد مکمل کرنے کاحکم دیا۔انہوں نے کہا کہ دانش سکولو ں میں زیر تعلیم طلبہ کے بہن بھائیوں کو بھی ایڈمشن کی اجازت دے رہے ہیں،چکوال اورپیرمحل کے سینٹرز آف ایکسیلینسی کے پراجیکٹ بھی جلد مکمل کئے جائیں جبکہ پنجاب میں ایشیاء کا سب سے بڑا بورڈنگ ادارہ پاکستان کے لئے اعزاز ہے-
انہوں نے کہا کہ تاندلیانوالہ میں نئے دانش سکول کا آغاز چند ہفتوں میں کردیا جائے گادانش سکولز ا تھارٹی کی کارکردگی دوسروں کے لئے مشعل راہ ہے،دانش سکولز اتھارٹی نے وائس چیئرپرسن سمیرا احمد کی سربراہی میں اعلیٰ کارکردگی کامظاہرہ کیا-
اس موقع پر گفتگو کرتے ہوئےصوبائی وزیر مراد راس نے کہا کہ وزیراعلیٰ عثمان بزدار نے نادار بچوں کی تعلیم کیلئے سپورٹ قابل تحسین ہے،پنجاب کے ٹیلنٹ کو سامنے لانے کے لئے کوشاں ہیں ۔
اجلاس میں بریفنگ کے دوران بتایا گیا کہ دانش سکولوں میں روزانہ حکومت پنجاب کی طرف سے 30 ہزار بچوں کو کھانا فراہم کیاجاتاہے۔ڈے سکالرز کو بھی دانش سکول میں ایڈمشن دیا جارہاہے۔طلبہ کے لئے ہوسٹل میں آٹومیٹک روٹی پلانٹ لگائے گئے ہیں۔انہوں نے کہا کہ دانش سکولوں میں شجرکاری مہم کے دوران مستقل نگہداشت کے نظام کے تحت 96ہزار پودے لگائے گئے میانوالی میں دانش سکولز کے 40ہزار بچوں نے سالانہ سپورٹس میں حصہ لیا-
اجلاس میں وائس چیئرپرسن سمیرا احمدبخاری،اراکین صوبائی اسمبلی نیلم حیات ملک،سکول ایجوکیشن، فنانس، پلاننگ اینڈ ڈویلپمنٹ کے اعلی حکام،سابق ایم پی اے میجر(ر) عبدالرحمان رانا، ایم ڈی دانش سکول اتھارٹی اوردیگر نےاجلاس میں شرکت تاہم صوبائی وزیر تعلیم مرادراس نے بھی ویڈیولنک کے ذریعے شرکت کی۔
