اسلام آباد، 07 دسمبر(اے پی پی): وفاقی وزیر اطلاعات چوہدری فواد حسین نے پاکستان میں سری لنکا کے ہائی کمشنر موہن ویجے وکرما سے منگل کو یہاں ملاقات کی اور سری لنکا کے شہری کے ساتھ سیالکوٹ میں پیش آنے والے واقعہ پر افسوس کا اظہار کیا ۔
وزیر اطلاعات نے سری لنکا کے ہائی کمشنر کو سانحہ سیالکوٹ کے بعد حکومت کی جانب سے اٹھائے گئے اقدامات سے آگاہ کیا اور بتایا کہ سیالکوٹ واقعہ کی ملک بھر میں مذمت کی گئی ہے، سانحہ سیالکوٹ میں ملوث تمام ملزمان کو گرفتار کیا گیا ہے۔
سری لنکن ہائی کمشنر نے حکومت پاکستان کے اقدامات پر اطمینان کا اظہار کرتے ہوئے کہا کہ سانحہ سیالکوٹ سے دونوں ممالک کے تعلقات پر اثر نہیں پڑے گا۔
