اسلام آباد،22جنوری (اے پی پی):پاک بحریہ کے جہاز پی این ایس تبوک نے بحرین کا دورہ کیا، بحرین کی بندرگاہ مینا سلمان آمد پر پاکستانی جہاز کا شاندار استقبال کیا گیا۔ترجمان پاک بحریہ کی طرف سے جاری بیان کے مطابق کمانڈنگ آفیسر نے کمانڈر رائل بحرین نیول فورس اور مختلف ممالک کے عسکری حکام سے اہم ملاقاتیں کیں، ملاقاتوں کے دوران باہمی دلچسپی کے پیشہ وارانہ امور اور دوطرفہ بحری تعاون پر تبادلہ خیال کیا گیا۔اس کے علاوہ بندرگاہ پر قیام کے دوران متعدد ممالک کی اعلی سفارتی اور عسکری شخصیات نے پی این ایس تبوک کا دورہ کیا۔واضح رہے کہ پاک بحریہ کے جہاز کے اس دورے سے دونوں برادر ممالک کے مابین دو طرفہ تعلقات کو مزید فروغ ملے گا۔
سورس : وی این ایس ، اسلام آباد
