پاکپتن؛ تھانہ چکبیدی پولیس کی کارروائی ، 7 رکنی بین الاضلاعی ڈکیت گینگ گرفتار
پاکپتن،16 مئی (اے پی پی ): ڈسٹرکٹ پولیس آفیسر نصیب اللہ خان کی قیادت میں تھانہ چکبیدی پولیس نے کارروائی کرتے ہوئے 7 رکنی بین الاضلاعی ڈکیت گینگ گرفتار کر کے لاکھوں روپے مالیت کا مال مسروقہ برآمد کر لیا ہے ۔ گرفتار ڈکیت گینگ پاکپتن کے علاوہ اوکاڑہ اور ساہیوال میں بھی ڈکیتی کی متعدد وارداتوں میں ملوث ہیں۔گرفتار ڈکیت گینگ سے لاکھوں روپے کا مال مسروقہ، 7 موٹر سائیکلیں، نقدی، واٹر پمپ اور موبائل فونز اور وارداتوں میں استعمال ہونے والا غیر قانونی اسلحہ 5 عدد پسٹل برآمد کیا گیا ہے ۔
