کراچی، 12 جولائی(اےپی پی): صدر مملکت ڈاکٹر عارف علوی سے عید کے موقع پر مختلف شعبہ ہائے زندگی سے تعلق رکھنے والے افراد کی گورنر ہاؤس کراچی میں ملاقات کی۔ صدر مملکت نے مہمانوں کا پرتپاک استقبال کیا اور انہیں عید الاضحٰی کے پر مسرت موقع پر مبارکباد پیش کی۔ مہمانوں نے بھی صدر مملکت کو اس خوشی کے موقع پر مبارکباد پیش کی
اس موقع پر خاتون اول بیگم ثمینہ عارف علوی بھی صدر مملکت ڈاکٹر عارف علوی کے ہمراہ تھیں۔
عید ملن میں اراکین پارلیمنٹ، سفارتکاروں، سول سوسائٹی کے نمائندوں اور زندگی کے مختلف شعبوں سے تعلق رکھنے والے افراد نے شرکت کی۔
اس موقع پر امریکہ، افغانستان، ایران، کویت ، جرمنی، انڈونیشیا، بنگلہ دیش اور ترکی کے قونصل جنرلوں نے صدر مملکت سے ملاقات کی۔
رکن قومی اسمبلی صائمہ ندیم، غزالہ سیفی اور رکن سندھ اسمبلی خرم شیر زمان نے بھی صدر مملکت سے ملاقات کی۔
