اسلام آباد،14جولائی (اے پی پی): وزیراعظم کے مشیر برائے امور کشمیر قمر الزمان کائرہ نے جمعرات کو یہاں وفاقی وزیر قانون و انصاف سینیٹراعظم نذیر تارڑ کے ہمراہ پریس کانفرس میں کہا ہے کہ سابق ڈپٹی سپیکر قومی اسمبلی کی رولنگ پر عدالت عظمی کا فیصلہ ، عمران خان کے بیرونی مداخلت کے بیانیے پر آخری کیل ہے ، پہلے قومی سلامتی کمیٹی نے دو مرتبہ اور اب عدالت عظمی نے بھی اس سازش کو بے نقاب کر دیا ہے ، عمران خان صاحب ، آپ ہماری مخالفت ضرور کریں لیکن پاکستان کی سالمیت اور سلامتی کے خلاف نہ جائیں ، عمران خان فتنہ ،فساد کی سیاست چھوڑ کر مثبت سیاست کا راستہ اختیار کریں اور تصادم کی بجائے ملک کی بہتری کے لیے کام کریں۔
