مری ، 15 اگست (اے پی پی):سی پی او راولپنڈی سید شہزاد ندیم بخاری کی ہدایت پر مری ٹورازم پولیس کی جانب سے سیاحوں کو تحفظ اور سہولت کی فراہمی کا سلسلہ جاری ہے۔ ملکی اور غیر ملکی سیاحوں نے مری ٹورازم کوسٹر میں سفر کیا اور بہترین سروس ڈیلیوری پر مری ٹورازم پولیس کو خراج تحسین پیش کیا گیا۔
مری ٹورازم پولیس سیاحوں کے تحفظ اور سہولت کے لئے 24/7 مصروف عمل ہے، مری میں گمشدہ بچوں کو بھی والدین کے حوالے کیاگیا اور قیمتی موبائل بھی تلاش کر کے اصل مالک کے حوالے کیا سیاحوں نے ٹورازم پولیس فورس کے افسران اور جوانوں کا شکریہ ادا کیا۔
ایس پی کوہسار حیدر علی نے ٹورازم پولیس فورس کو اچھی ڈیوٹی کرنے پر شاباش دی۔
ایس پی کوھسار حیدر علی نے کہا کہ مری آنے والے سیاح کسی بھی ایمرجنسی یا پریشانی کی صورت میں مری ٹورازم پولیس کے فیلڈ افسران یا ہماری ہیلپ لائین 15 اور 1757 دفتر نمبر 0519269277 رابطہ کر سکتے ہیں اور کہا حکومت پنجاب کی ہدایت اور آئی جی پنجاب کے ویژن کے مطابق مری میں شہریوں اور سیاحوں کو بہترین سروسز کی فراہمی کے لیے ہر ممکنہ اقدامات کیے جا رہے ہیں۔
