پاکستان کی پچھترویںسالگرہ؛ گورنمنٹ ایسوسی ایٹ کالج برائے خواتین اوکاڑہ میں پر جوش تقریب کا  انعقاد، ڈرامہ” ہم کسی سے کم نہیں” پیشکیا گیا

اوکاڑہ،07اگست (اے پی پی):  پاکستان کی پچھترویں سالگرہ “ڈائمنڈ جوبلی”  ملک  بھر میں  ملی جذبے  اور جوش وخروش سے  منائی  جا رہی ہے ،اوکاڑہ میں بھی ڈائریکٹرکالجز ساہیوال ڈویژن مسعود فریدی اور ڈپٹی ڈائریکٹر کالجز ضلع اوکاڑہ سردار علی حیدر ڈوگر کی ہدایات پر مختلف کالجز میں جشن آزادی کی تقریبات  منعقد کی جارہی ہیں۔

 گورنمنٹ ایسوسی ایٹ کالج برائے خواتین اوکاڑہ سٹی میں پرنسپل ثمینہ زبیر کی زیر نگرانی طالبات کے درمیان حسن قرءات  حمد ونعت،ملی نغموں، انگریزی-ارود تقاریر، پینٹنگز،مضمون نویسی اور دیگر مقابلہ جات ہورہے ہیں جن میں طالبات جوش وخروش سے حصہ لے رہی ہیں۔

اسی سلسلے میں پاکستان کی آزادی کے حوالہ سے طالبات نے ایک ڈرامہ” ہم کسی سے کم نہیں” پیش کیا جس کی انچاج شعبہ اردو کی پروفیسر یاسمین کاشف جبکہ ججز مس فروا اور مس سعدیہ تھیں۔ڈرامے میں طالبات نے حقیقت کا رنگ بھر دیا اوراس ڈرامے کوپاکستان کی ڈائمنڈ جوبلی کے نام کیا۔