ملتان، 08 دسمبر ( اےپی پی): انگلینڈ کرکٹ ٹیم کے کپتان بین اسٹوکس نے کہا کہ ٹیم پاکستان کے خلاف دوسرے ٹیسٹ میچ میں بھی وہی جارحانہ حکمت عملی جاری رکھے گی جس طرح گزشتہ میچ میں کامیابی حاصل کی تھی جمعرات کو ٹریننگ سیشن کے بعد ملتان کرکٹ اسٹیڈیم میں پریس کانفرنس کرتے ہوئے انگلینڈ کرکٹ ٹیم کے کپتان نے کہا کہ ٹیم ایک تبدیلی کے ساتھ گراؤنڈ میں داخل ہوگی کیونکہ لیونگ اسٹون کی جگہ مارک ووڈ کو پلیئنگ الیون میں شامل کیا جارہا ہے۔ انہوں نے کہا کہ لیونگ اسٹون کی انجری کے بعد مارک ووڈ میں ہوں گے اور وہ ووڈ کی باؤلنگ کی رفتار سے فائدہ اٹھانا چاہتے ہیں۔
انہوں نے کہا کہ ورلڈ کلاس کیپر سب سے زیادہ توجہ کا مرکز تھے لیکن حالیہ کنڈیشن کے باعث پلیئنگ الیون میں شامل کرنا مشکل ہے۔ اسٹوکس کا کہنا تھا کہ ملتان کرکٹ اسٹیڈیم کی پچ خشک نظر آرہی ہے اور یہ ریورس سوئنگ اور اسپنرز کے لیے بھی مددگار ثابت ہوگی۔ انہوں نے کہا کہ دفاع کرنے والی ٹیم سے واپسی کی توقع کی جا رہی تھی کیونکہ وہ حالات کو بدلنے کی صلاحیت رکھتی ہے اور کرکٹ بھی ایک غیر متوقع کھیل ہے۔ انہوں نے کہا کہ انگلینڈ کی ٹیم اسی جارحانہ حکمت عملی کے ساتھ گراؤنڈ میں اترے گی جو گزشتہ میچ میں کامیاب رہی تھی انگلینڈ کے کپتان کا کہنا تھا کہ راولپنڈی اور ملتان کی کنڈیشنز میں زیادہ فرق نہیں ہے، دیکھتے ہیں بابر اعظم ٹاس جیت کر کیا کرتے ہیں۔ انہوں نے کہا کہ مارک ووڈ کی ٹیم میں موجودگی فرق پیدا کرے گی کیونکہ 150/kmph کی رفتار سے بولر کسی بھی ٹیم کا اثاثہ ہوتا ہے۔
