انٹریونیورسٹی بیڈمنٹن چیمپئن شپ پنجاب یونیورسٹی لاہور نے جیت لی

4

ملتان،28 فروری (اے پی پی):انٹریونیورسٹی بیڈمنٹن چیمپئن شپ پنجاب یونیورسٹی لاہور نے جیت لی۔  ہائر ایجوکیشن کمیشن کی ہدایت پر ویمن یونیورسٹی ملتان کی زیرنگرانی ہونے والی چیمئپن شپ کےفائنل میں پنجاب یونیورسٹی نے عبدالولی خان یونیورسٹی مردان کو سٹریٹ سیٹ میں شکست دی ،فاتح ٹیم کی طر ف سے زینب نے معراج کو 21-15،19-21اور21-17سے شکست دی،ڈبل کے سیٹ میں فریال اور خدیجہ نے ندااورعابدہ کو 21-2اور21-6 سے ہرایا ، تیسرے سیٹ میں خدیجہ نےندا کو 21-10اور21-4سے ہرا کرٹائٹل پنجاب یونیورسٹی کے نام کردیا،تیسری پوزیشن کے میچ میں یوایم ٹی لاہور نے اسلامیہ یونیورسٹی کو ایک کے مقابلےمیں تین سیٹ سے شکست دی، پہلا سیٹ فاتح ٹیم کی اقصیٰ نے 21-9،21-10سے ،ڈبل کاسیٹ اشنا اوراقصیٰ نے 21-4اور21-2سے جیتا،جبکہ اسلامیہ یونیورسٹی کی ایمان نے تیسرا سیٹ 21-18،20-22اور21-16سے جیتا جبکہ فائنل سیٹ یوایم ٹی کی کائنات اور تحریم نے 13-21،21-16اور21-15سے جیت کرتیسری پوزیشن حاصل کرلی آفیشل کی فرائض مصدق حنیف اورانیس خان نے سرانجام دئیے۔

  ڈاکٹر میمونہ خان( ڈائریکٹر سپورٹس ) نے خطاب کرتے ہوئے کہ ویمن یونیورسٹی تدریسی سرگرمیوں کے ساتھ ساتھ غیرنصابی سرگرمیوں کے فروغ کےلئے بھی کوشاں ہے یہ چیمپئن شپ اس بات کا منہ بولتا ثبوت ہے ،خوشی اس بات کی ہے کہ پاکستان بھر سے یونیورسٹیوں نے اس چیمپئن شپ میں شرکت کی اور احسن طریقےسے انعقاد کیا مسقتبل میں بھی ویمن یونیورسٹی ایسے ایونٹ کےلئے پاکستان بھر کی یونیورسٹیوں کی میزبانی کرنے کے لئے تیار ہے اور بھرپور تعاون کی یقین دہانی کراتی ہے ۔اس موقع پر رجسٹرار ڈاکٹر قمر رباب اور دیگر اساتذہ بھی موجود تھے۔