ملتان، 07 فروری (اے پی پی ): کمشنر انجینئر عامر خٹک نے میٹرک امتحانات کیلئے بہترین انتظامات کرنے کی ہدایت دیتے ہوئے کہا ہے کہ امتحانی مراکز پر جنریٹر، پینے کے صاف پانی کی دستیابی یقینی بنائی جائے ، امتحانی نظام کو شفاف بنانے میں مثالی اقدامات اٹھائے جائیں۔ انہوں نے کہا کہ بورڈ افسران تمام حساس سنٹروں کا دورہ کریں ، تمام سنٹروں پر سیکیورٹی کے بہترین انتظامات کئے جائیں ۔
کمشنر عامر خٹک کو ملتان بورڈ کے افسران کی جانب سے تفصیلی بریفنگ دی گئی۔
چیئرمین بورڈ حافظ محمد قاسم نے کہا کہ ڈویژن میں 4014 امتحانی مراکز قائم کئے گئے ہیں ، ڈویژن میں 48 حساس امتحانی مراکز ہیں ۔انہوں نے کہا کہ ملتان بورڈ طلبا و طالبات کی ہم نصابی سرگرمیوں کو بھی فروغ دے رہا ہے ۔
بریفنگ میں اسسٹنٹ کمشنر محمد قاسم، کنٹرولر امتحانات محمد حامد سعید بھٹی بھی شریک ہوئے۔
