گھوٹکی، 18 مئی (اے پی پی ):سندھ-پنجاب کے سرحدی کچے کے علاقے میں جاری ڈاکوؤں کے خلاف آپریشن میں پہلی سینئر خاتون آفیسر اے ایس پی دانیہ رانا پولیس کے جوانوں کے ساتھ ڈاکوؤں کے خلاف آپریشن میں حصہ لے رہے ہیں ۔
جنوبی پنجاب کچے کے علاقے میں گزشتہ ایک ماہ سے ڈاکوؤں کے خلاف پولیس کا آپریشن جاری ہے۔ آپریشن میں پولیس کے جوان تو حصہ لے ہی رہے ہیں۔ ان کے ساتھ پہلی سینئر خاتون آفیسر دانیہ رانا بھی آپریشن کی قیادت کرتے ہوئے ڈاکوؤں کا ڈٹ کر مقابلہ کررہی ہیں اور وہ جرائم پیشہ عناصر کے خاتمے کے لئے پر عزم بھی ہیں ۔
دانیہ رانا سندھ -پنجاب کے سرحدی ضلع رحیم یارخان میں تعینات پہلی سینئر خاتون آفیسر ہیں۔ دانیہ رانا نے ابتدائی تعلیم کراچی سے حاصل کی۔ وہ اپنے خاندان کی واحد پولیس آفیسر جنہیں وطن کی محبت اور فورس میں جانے کا شوق محکمہ پولیس میں لے آیا۔
ضلع گھوٹکی اور ضلع رحیم یارخان میں جاری ڈاکووں کے خلاف پولیس آپریشن میں حصہ لینے والی پولیس آفیسر دانیہ رانا خواتین اور سب کے لئے مثال ہیں جو بہادری سے پولیس کے جوانوں کے ساتھ کچے کے علاقے میں ڈاکووں کا مقابلہ کررہی ہیں ۔۔
