سکھر،5 اگست(اے پی پی):کراچی سے پنجاب جانے والے علامہ اقبال ایکسپریس کی دو بوگیاں پڈعیدن کے قریب پٹری سے اتر گئیں، حادثے میں کسی قسم کا نقصان نہیں ہوا ہے، بوگیاں اترنے کے باعث اپ ٹریفک پر ٹریفک معطل ہوگئی، روہڑی اسٹیشن سے ریلیف ٹرین پڈعیدن کے لئے روانہ کرکہ فوری امدادی کارروائیاں شروع کر دی گئیں جبکہ ٹرین ریلیف آپریشن شروع کر دیا گیا ہے ، مرحلاوار ٹرینوں کی روانگی شروع کردی گئی ہے۔
کراچی سے پنجاب جانے والی دیگر ٹرینوں کو مختلف اسٹیشن پر روک دیا گیا تھا، بہائو الدین ذکریہ کو دریا خان مری اسٹیشن،فرید ایکسپریس کو باندھی اسٹیشن پر روکا گیا تھا، گرین لائن ٹرین کو دوڑ اسٹیشن سے پہلے،جبکہ خیبر میل کو نوابشاہ سے پہلے روکا گیا تھاجبکہ اس دوران ڈاؤں ٹریک مکمل طور کلیئر رہا۔
اس حوالے سے ڈی سی او محسن سیال نے کہا کہ پاکستان ریلویز سکھر ڈویژن کی جانب سے مختلف ٹرینوں میں سوار مسافروں کو ٹھنڈا پانی،جوسسز، چائے اور بریانی فراہم کی گئی، امدادی سرگرمیوں کے بعد دونوں ٹیریکس کو مکمل طور پر بحال کردیا گیا ہے۔
