ملتان ،28 ستمبر(اے پی پی ):چیف جسٹس لاہور ہائیکورٹ جسٹس محمد امیر بھٹی نے ملتان بار کے وکلاء اور سائلین کیلئے پارکنگ پلازہ کا افتتاح کر دیا ہے۔اس موقع پربلڈنگ ڈیپارٹمنٹ کے ایس ای بلڈنگ محمد آصف ،ایکسین حیدرعلی اور سید خرم تنویر نے بریفنگ دیتے ہوئے بتایاکہ پارکنگ پلازہ نومنزلہ ہوگا تاہم ابتدائی طور پر بیسمنٹ سمیت چھ منزلیں بنیں گی ،پارکنگ پلازہ پر ایک سو51کروڑ روپے لاگت آئے گی اور 36ماہ کی مدت میں اسکی تعمیر مکمل ہوگی۔
بعد ازاں چیف جسٹس نے وکلاءکے بار ہال میں خطاب کیا اور بارہال کی تزئین و آرائش کا افتتاح بھی کیا ،چیف جسٹس لاہور ہائیکورٹ سے وکلاءصاحبان نے ملاقاتیں بھی کیں۔
قبل ازیں ملتان بنچ آمد پرسینئرجج جسٹس شجاعت علی خان، جسٹس شاہد کریم، جسٹس محمد ساجد محمود سیٹھی،جسٹس محمد سرفراز ڈوگر، جسٹس مزمل اختر شبیر، جسٹس محمد وحید خان، جسٹس صادق محمود خرم، جسٹس احمد ندیم ارشد ،جسٹس محمد امجد رفیق ،جسٹس محمدرضا قریشی اور سینئرایڈیشنل رجسٹرار ڈسٹرکٹ اینڈسیشن جج امجد علی شاہ پرنسپل سٹاف آفیسر ٹو چیف جسٹس لاہور ہائی کورٹ محمد شہزاد گل نے انکا استقبال کیا۔
اس موقع پرایڈیشنل رجسٹرار سجاد احمد، ڈپٹی رجسٹرار پروٹوکول زاہد محمود، ڈپٹی رجسٹرار جنرل محمد ذوالفقار اعوان، اسسٹنٹ رجسٹرار جاوید سعید ، پروٹوکول آفیسر شاہد محمود لک، سینئر پی اے عمر حیات بھی ہمراہ تھے ۔
