بھکر،05 ستمبر(اے پی پی): آئی جی پنجاب کی جانب سے منشیات فروشوں کے خلاف مہم کے دوران اب تک بھکر پولیس نے بھاری مقدار میں چرس،اور سینکڑوں لیٹر شراب برآمد کر لی۔
آئی جی پنجاب ڈاکٹر عثمان انور کی منشیات فروشوں کے خلاف مہم کے تحت ڈی پی او بھکر محمد نوید کی قیادت میں بھکر پولیس کی جانب سے بھی منشیات فروشوں کے خلاف کریک ڈاون جاری ہے۔
اس مہم کے تحت اب تک کل 49 مقدمات درج ہوئے،کل 49 منشیات فروش گرفتار کیے گئے، مجموعی طور پر 29 کلو گرام سے زائد چرس برآمد کی گئی اور 714 لیٹر شراب برآمد کی گئی ہے جبکہ ناجائز اسلحہ ہولڈرز کو بھی آڑے ہاتھوں لیتے ہوئے 29 عدد پسٹل 30بور ، 04 عدد کلاشنکوف اور 05 عدد بندوقیں برآمد کی گئی ہیں۔
بھکر پولیس کی طرف سے منشیات فروشوں کے خلاف ابھی مزید کارروائیاں جاری ہیں۔ڈی پی او بھکر محمد نوید کا کہنا تھا کہ منشیات فروش قوم کے مستقبل کے دشمن ہیں ان کے ساتھ کسی قسم کی رعایت نہیں برتی جائے گی۔
