جدہ ،18 ستمبر(اے پی پی): سرین ٹاور ملتان کی جانب سے سعودی عرب میں مقیم پاکستانیوں کو سرمایہ کاری کی طرف راغب کرنے کیلئے رنگارنگ ثقافتی پروگرام کا انعقاد کیا گیا ، جس دوران سرین ٹاور ملتان کیجانب سےسعودی عرب کے قومی دن کی خوشی میں پندرہ فیصد منافع کا اعلان بھی کیا گیا۔ ثقافتی پروگرام کا انعقاد سعودی جنرل انٹرٹینمنٹ اتھارٹی کی مشیر، نوشین کلچرل اینڈ آرٹ کی سربراہ نوشین وسیم کی جانب سے کیا گیا۔
اس موقع پر ایک رنگارنگ موسیقی کا پروگرام بھی منعقد کیا گیا جس میں سیاسی و سماجی شخصیات کے علاوہ سینکڑوں مردو خواتین پاکستانیوں نے شرکت کی اور عالمی شہرت یافتہ پاکستانی گلوکار ذیشان روکھڑی کی خوبصورت آواز سے خوب محظوظ ہوئے ۔ القبہ لاو نج نے سرین ٹاور کے تعاون سے مہمانوں کے لیے عشائیہ کا اہتمام بھی کیا۔
تقریب سے خطاب کرتے ہوئے سرین ٹاور کے سی ای او ملک طاہر نے کہا کہ سرین ٹاور پنجاب کی سب سے خوبصورت عمارت ہوگی۔اس موقع پر نوشین وسیم نے حاضرین کوکہا کہ پاکستان میں سرمایہ کاری کریں تاکہ وہاں کی صنعت ترقی کرے اور سمندر پار پاکستانی ملکی مصنوعات میں اپنا حصہ ڈال سکیں۔
سرین ٹاور کے سی ای او ملک طاہر کے علاوہ پراجیکٹ کی دیگر انتظامیہ ڈائریکٹر آپریشن سرین ٹاور ملک زوہیب ، ڈائریکٹر پروجیکٹ عمر ظفر ، چیف ایگزیکٹو خان انٹرپرائزز نسیم خان ،زاہد خان، مسعود خان، ڈاکٹر فہیم،عثمان خان،محمد جاوید، وسان بخش،محمد نور دین،زاہد اقبال، نعمان عزیز، ندیم اختر، ملک زبیربھی خصوصی طور پر شریک ہوئے
