ملتان،18 ستمبر(اے پی پی ): ضلعی انتظامیہ کیجانب سے جنرل بس اسٹینڈ پر غیر قانونی پارکنگ کے خلاف دوبارہ کریک ڈاؤن،سیکرٹری آر ٹی اے کی سربراہی میں دفعہ 144 کی خلاف ورزی پر ایکشن لیا گیا اور غیر قانونی سٹینڈز سے چلنے والی 46 بسیں و ویگن تھانے بند کردی گئیں۔ سیکرٹری آر ٹی اے رانا محسن نے غیر قانونی سٹینڈز مالکان کو بھاری جرمانے بھی عائد کئے۔
سیکرٹری آر ٹی اے نے کہا کہ ڈپٹی کمشنر عمر جہانگیر نے جنرل بس سٹینڈ اور وہاڑی چوک کے علاقوں میں دفعہ 144 نافذ کی ہے ۔انہوں نے کہا کہ دفعہ 144 کے تحت غیر قانونی بس اڈوں کو کسی صورت چلنے نہیں دینگے ۔انہوں نے کہا دھواں چھوڑنے والی گاڑیوں کو جدید سسٹم کے تحت چیک کرکے آف روڈ کیا جارہا ہے اور ٹرانسپورٹ کمپنیوں کو جنرل بس اسٹینڈ میں ٹرمینل فراہم کرینگے۔
