سرگودھا،20نومبر(اے پی پی):وزیراعلیٰ محسن نقوی نے سرگودھا کے نواحی علاقے ٹوانہ پارک میں زیادتی کا نشانہ بننے والی معصوم بچی کی والدہ اور چچا سے ملاقات کی اور والدہ اور اہل خانہ کی دل جوئی کی اور جلد انصاف فراہم کرنے کی یقین دہانی کرائی۔
وزیراعلیٰ محسن نقوی نے معصوم بچی کی عیادت کی اور خیریت دریافت کی اور شفقت کا اظہار کیا۔ وزیراعلیٰ نے بچی کے علاج کے لئے ڈاکٹرز کو ضروری ہدایات دیں۔
اس موقع پر انہوں نے کہا کہ انسانیت سوز واقعہ کا ذمہ دار ملزم انسان نہیں درندہ ہے، ایسادرندہ صفت ملزم عبرتناک سزا کاحقدار ہے۔انہوں نے کہا کہ معصوم بچی پر ظلم کرنے والا سفاک ملزم قانون کے تحت قرار واقعی سزا سے نہیں بچ پائے گا۔
کمشنرسرگودھا ، آر پی او، ڈپٹی کمشنر، ڈی پی او اور ہسپتال انتظامیہ بھی اس موقع پر موجود تھی۔
