سکھر،16نومبر(اے پی پی): انسداد دہشت گردی عدالت انسائیڈ سینٹرل جیل سکھر میں شہید علامہ ڈاکٹر خالد محمود سومرو کیس کی سماعت ہوئی، اے ٹی سی کورٹ ون کے جج عبدالرحمان قاضی نے کیس کی سماعت کی اس موقع پر عدالت میں فریادی فریق مولانا طاہر محمود سومرو، وکیل ایڈووکیٹ اطہر عباس سولنگی، وکیل مطہر عباس سولنگی، مولانا محمد صالح انڈھڑ، طارق سومرو پراسیکیوٹر عبدالحلیم قریشی پیش ہوئے۔
عدالت میں فریادی فریق کے وکیل نے مہلت کیلئے درخواست جمع کرائی، عدالت نے اگلی سماعت 29 نومبر تک ملتوی کردی، اسی تاریخ پر علامہ ڈاکٹر خالد محمود سومرو کی شہادت ہوئی تھی،9 سال قبل سکھر میں علامہ ڈاکٹر خالد محمود سومرو کو گلشن اقبال میں شہید کیا گیا تھا۔
