نوشہرہ ورکاں، 14 نومبر( اے پی پی): چیف ایگزیگٹو گیپکو گوجرانوالہ جام محمد ایوب کی ہدایت پر گیپکو ڈویژن نوشہرہ ورکاں میں بجلی چوری کے خلاف اسپیشل آپریشن جاری ہے۔
ایکسین گیپکو ڈویژن نوشہرہ ورکاں محسن علی کی کمانڈ میں ڈویژن کی چاروں سب ڈویژنوں میں بجلی چوری تھام کے لیے نو گو ایریاز، نواحی ڈیرہ جات پر جرات اور بہادری کا مظاہرہ کرتے ہوئے نوشہرہ ورکاں ،تتلے عالی اور نوکھر سے رواں ماہ میں مزید 23 بجلی چور اچانک چیکنگ کے دوران پکڑ کر ان کے خلاف مقدمات درج کرائے گئے ہیں اور 68 روز کے دوران پکڑے گئے بجلی چوروں کی تعداد 165 ہو گئی ہے ، جنہیں 97 لاکھ ڈی ٹیکشن بل ڈالے گئے اور 65 لاکھ ریکوری لی گئی ہے۔
اس حوالے سے ایکسین گیپکو محسن علی کا کہنا ہے کہ مزکورہ افراد کو بھاری ڈی ٹیکشن بل ڈالے جائیں گے اور انکی بجلی بھی کاٹ دی گئی ہے۔انہوں نے کہا کہ ڈائریکٹ کنڈے لگانے والوں میں واپڈا کے ڈیفالٹر بھی شامل ہیں جن کے میٹر پہلے سے ہی اتارے گئے ہیں۔
