اسلام آباد، 26دسمبر (اے پی پی): کراچی صرافہ ایسوسی ایشن کے مطابق ملک بھر میں آج بروز منگل سونے کی فی تولہ سونے کی قیمت میں 300 روپے کا اضافہ ہوا جس کے بعد فی تولہ سونا دو لاکھ 19 ہزار 600 روپے پر فروخت ہوا جبکہ دس گرام سونے کی قیمت 258 روپے کے اضافے کے ساتھ ایک لاکھ 88 ہزار 272 روپے ہو گئی ۔
انٹرنیشنل مارکیٹ میں آج سونا بغیر کسی تبدیلی کے 2072 ڈالر پر ٹریڈ ہوا ۔ چاندی کی فی تولہ قیمت بھی بغیر کسی تبدیلی کے 2650 جبکہ 10 گرام چاندی کی قیمت 2271 روپے رہی۔
