لاہور، 30دسمبر(اے پی پی): نگران صوبائی وزیر ابراہیم حسن مراد کی زیر صدارت محکمہ لائیو سٹاک کا اہم اجلاس منعقد ہوا جس میں پیٹس اور ایم وی ڈی ٹریکنگ، پرائیویٹ اور سرکاری لائیو سٹاک فارمز کی صورتحال کا جائزہ لیا گیا۔
اجلاس نے پیٹس کے حوالے سے ڈسیز کنٹرول کمپارٹمنٹس اور ایم وی ڈی ٹریکنگ کی تنصیب کا بھی جائزہ لیا۔ ایڈیشنل سیکرٹری لائیو سٹاک ڈاکٹر عثمان طاہر کی جانب سے تفصیلی بریفنگ دی گئی۔
صوبائی وزیر نے ہدایت دی کہ پیٹس کی کارکردگی بارے ایک سٹیئرنگ کمیٹی کا نوٹیفکیشن جاری کیا جائے جس میں ایک ممبر لائیو سٹاک ، ایک پی آئی ٹی بی جبکہ ایک ممبر ایف اے او سے ہوگا۔ کمیٹی ہفتہ وار بنیادوں پر پیٹس( پاکستان اینیمل آئیڈنٹی فکیشن اینڈ ٹریس ایبلٹی سسٹم )کی پیشرفت کا جائزہ لے گی۔
صوبائی وزیر لائیو سٹاک نے ہدایت دی کہ محکمہ لائیو سٹاک فیلڈ گاڑیوں میں ٹریکر کے نفاذ کو ایک ہفتے میں مکمل کرے۔ میٹ ایکسپورٹ کے حوالے سے کم معیار کے سائیلج یونٹس کے خلاف کریک ڈاؤن کیا جائے۔
نگران صوبائی وزیر لائیو سٹاک نے کہا کہ محکمہ لائیو سٹاک پرنٹ میڈیا پر ڈی سی سی کے حوالے سے ای او آئی کو یقینی بنائے گا۔ پنجاب بھر میں ڈرگس ریسیڈیوژ ٹیسٹنگ کرنی ہوگی۔
صوبائی وزیر نے کہا کہ پنجاب بھر میں پیٹس( PAITS )کے حوالے سے آگاہی پروگرام پر زور دینا ہوگا۔ اجلاس میں ڈائریکٹر جنرل پی ایس او (Ext) محمد بلال اور محکمہ لائیو سٹاک کے متعلقہ افراد نے شرکت کی۔
